ஜ.நா மனித உரிமை பேரவையின் அச்சுறுத்தலை ஜனாதிபதி வேட்பாளர்கள் தெளிவுபடுத்த வேண்டும் என முன்னாள் இராணுவ அதிகாரி ஜெனரல் ஜகத் டயஸ் வேண்டுகோள்.

ஜெனிவாவின் ஐக்கிய நாடுகள் மனித உரிமை பேரவையின் மூலம் ஏற்படக்கூடிய அச்சுறுத்தல்களை எவ்வாறு எதிர்கொள்ளப் போகின்றார்கள் என்பதை ஜனாதிபதி வேட்பாளர்கள் தெளிவுபடுத்த வேண்டும் என முன்னாள் இராணுவ அதிகாரி ஜெனரல் ஜகத் டயஸ் வேண்டுகோள் விடுத்துள்ளார்.

ஆதாரமற்ற யுத்தக் குற்றச் சாட்டுகளை அடிப்படையாக வைத்து யுத்தத்தில் வெற்றி பெற்ற இராணுவத்தினரை இலங்கை அரசாங்கம் தண்டிக்க வேண்டும் என அழுத்தம் கொடுக்கும் மனித உரிமை பேரவையை எவ்வாறு எதிர்கொள்ளப் போகின்றார்கள் என்பது குறித்து ஜனாதிபதி தேர்தலில் போட்டியிடும் வேட்பாளர்கள் தமது நிலைப்பாடுகளை முன்வைக்க வேண்டும் எனவும் அவர் குறிப் பிட்டார்.

ஜெனிவாவின் சமீபத்தைய அறிக்கையை சுட்டிக்காட்டியுள்ள ஜகத் டயஸ், இந்த கடும் சவாலை எதிர்கொள்வதில் அர சாங்கத்துக்கும் ஜனாதிபதி வேட் பாளர்களுக்கும் உள்ள பொறுப்பை வலியுறுத்தினார்.

யுத்த குற்றங்களில் ஈடுபட்டவர்கள் என தாள் குற்றம் சாட்டியவர்களை விசாரணைகளுக்கு உட்படுத்தி தண்டிப்பதற்கு இலங்கை தவறிவிட்டதாக குற்றம்சாட்டும் ஜெனிவா, வெளிப்புற உலகளாவிய நியாயாதிக்கத்தை பயன்படுத்துதல், நம்பகத்தன்மை மிக்க விதத்தில் குற் றம்சாட்டப்பட்ட வர்களுக்கு எதிராக பொருளாதார தடைகள், பயணத் தடைகளை விதித்தல்,சர்வதேச சட்டத்தின் அடிப்படையில் பிற நடவடிக்கைகள் போன்ற தந்திரோபாயங்களை சர்வதேச சமூகம் பின்பற்றவேண்டும் என வேண்டுகோள் விடுத்துள்ளது என ஜகத் டயஸ் தெரிவித்தார்.